COMPASS COLLEGE 讀後感

我曾經係compass college讀過既學生，想幫手SHARE一下呢間野

Compass最匪夷所思既莫過於可以5，6月就開學。compass叫呢d做早班，總之就早D開學，話幫d成績差既學生打番好個底，等到8，9月追番正常學生既進度云云，好多對自己dse成績一早絕望既學生以為柳暗花明又一村。 但香港到底有邊間大專大學會係5月開學？佢既btec，ahla課程，一個係英國一個係美國出，難道英國同美國既大學係5月開學既？

而更加重要既係：5，6月根本未放榜！連成績都未出，何來有「成績差」，「正常」學生之分？枉佢自稱「收生嚴格」，連interview都要分兩次，難道憑過往中學成績就能斷定公開試成績？咁如果我中學hea到賴屎，但最後發奮考到幾條5番黎(吹啊?)等入大學？咁我交d學費咪等於掉落海？ 當一班30個， 開3班，每人比4600，讀3個月先修班之後拍拍蘿柚走左都袋百幾萬，除左當學生水魚我都諗唔到其他原因喇。

講起個btec，一上教育局個網search，大半張list都係唔同機構註冊既btec課程。我真心想問點解香港豆潤咁細但周圍都有得讀btec既？一個咁有質素既課程會隨便落地開花既咩？明明compass已經係咁好既學校，收生多不勝數(好似係)，都要係其他地方再開辦再收生？到底係Edexcel對compass既質素無信心，抑或本來佢地收生就係咁濫？呢個就不得而知喇；至於讀Ahla既同學仔你地就會輕鬆d，因為讀ahla既你地係唔需要番實習架，你地無睇錯，雖然你地讀酒店科，不過唔番實習都pass到。有需要請自行番炒散啦。

最後一年同學銜接上大學，compass當然提供一站式服務，比大家係英國university攞個學位番黎啦。未聽過？唔緊要，認受性睇排名既姐，上QS check下大學排名先。但竟然search唔到？QS明明世界頭700間大學都會有資料，除非係排名太低既野雞大學姐。

野雞大學讀完會點？即係就算讀完個學位，出黎僱主都唔會當係大學生囉。又或者拎張cert去學術及職業資歷評審局做評核，睇下係香港資歷架構上面邊級，如果係學士學位正常係第5級，不過佢大學既cert可能跌落第4級既asso/hd程度。唔知compass係咪已經評核左？抑或加入語言偽術，用其他國家既資歷架構混淆視聽，真係不得而知喇。第3級係DSE 級

而學校最令我深刻既，係佢地首創只有2排書架既圖書館，同埋監粗黎塞係課室既模擬機艙，絕對推翻圖書館同課室既定義